Ronald Reagan i kishte quajtur “majmunë” afrikanët në OKB

FILE - In this Dec. 29, 1988, file photo President Ronald Reagan waves to onlookers as he arrived in Palm Springs, Calif. If your're a fan of former President Ronald Reagan and you live in Wisconsin, you'll get a new day starting next winter to celebrate. A provision in the state budget that takes effect July 1, 2011, establishes Feb. 6 as Ronald Reagan Day. It's a symbolic measure to celebrate the Gipper's birthday and has no impact on state spending. (AP Photo/Doug Mills, File)

13:35 | 31 Korrik 2019
A. B.

Ish-presidenti i Shteteve të Bashkuara të Amerikës, Ronald Reagan, i kishte quajtur “majmunë” delegatët afrikanë në Kombet e Bashkuara. Ky skandal u zbulua përmes publikimit të incizimeve nga një revistë amerikane.

Reagan e kishte bërë këtë koment gjatë një bisede telefonike në vitin 1971 me presidentin e atëhershëm të Shteteve të Bashkuara, Richard Nixon.

Reagan, i cili në kohën e bisedës telefonike ishte guvernator i Kalifornisë, ishte zemëruar që delegatët afrikanë kishin dalë kundër Shteteve të Bashkuara në një proces votimi.

Anëtarët e delegacionit të Tanzanisë kishin filluar të vallëzonin pasi Kombet e Bashkuara e miratuan njohjen e Kinës dhe përjashtimin e Tajvanit.

Ish-presidenti Reagan, i cili ishte përkrahës i Tajvanit, e kishte telefonuar presidentin amerikan të asaj kohe për t’ia shprehur zemërimin e madh.

Në bisedë, ai dëgjohet duke thënë: “T’i shohësh ata…majmunë nga ato shtete afrikane, mallkuar qofshin, ata ende nuk ndihen rehat me këpucë”.

Pasi i dëgjon këto fjalë, presidenti i atëhershëm, Nixon, dëgjohet duke qeshur.

Incizimi është publikuar nga Tim Naftali, profesor i historisë në Universitetin e Nju Jorkut, i cili kishte qenë drejtor i Bibliotekës Presidenciale të Nixon-it nga viti 2007 deri në vitin 2011, shkruan “BBC”, transmeton Gazeta Express.